ضاحي خلفان ،، قائد شرطة ، والشرطة شرطة مين ،، شرطة … دبي !!! ويا هملالي يا حكي الدلال . خلفان بفكر حاله أردوغان ،، ويمكن كوفي عنان ، ما فيه غيره بالامارات حدا يحكي ؟؟ كلهم من دار الساكت !! راح خلفان ، أجا خلفان ، قال خلفان ، حكى خلفان ، وين راحوا الربع ؟؟ ما فيه حدا غير خلفان يقول ويصرح ،، وين الامارات ؟ وين الامراء ؟ وين المسؤولين والوزرا ؟ ولا هم حاطينه حتى يقوم بالدور ،،، ما بدي اقول ( النبيح ) حرام وعيب ، الدنيا رمضان أولا ، وثانيا عيب لان الامارات قبل كم يوم زودتنا بشحنة من التمور عالية الجودة ، قالت هاي هدية للشعب الاردني ، ومثل ما قال المثل اطعم الثم تستحي العين .
بس انا ما ذقت من التمر تمرة ولا بعرف طعمها ، ولا بدري وين راحوا فيها ولا بعرف مين أكلها . ما ذاق ثمي حتى تستحي عيني ،، بقدر احط عيني بعينهم وابو ظبيهم وبدبي يا دار الحي .