حق اليونانيين اللى بره وحق اليونانيين اللى جوه

احنا
نجيب حق اليونانيين اللى بره وحق اليونانيين اللى جوه ..

وحق الأجيال القادمة وحقوقنا ..

وحقوق كبار السن والمعاقين والمرأة والأقليات واللى فات مات واحنا ولاد النهاردة
وإخوات النهضة.

إنهض يا بنى هات شوية ماية.

مقطوعة يا باشا.

ليه؟

لأن الكهربا مقطوعة والماية بتطلع بالموتور والموتور شغال بالكهرباء والفران عايز
دقيق والدقيق عايز قمحة والقمحة عند الفلاح والفلاح مديون.

وقريباً بجميع دور العرض فيلم الموسم "العرض عايز ياخد قرض" يسد بيه دين الفلاح
واللى راح راح سقفى يا إنشراح ..

ميمون يضم بين يديه جميع الصلاحيات وهو الآن غير منحاز لكنه محتاس ... فالمائة يوم
أوشكت على الإنتهاء والبوسة بتيجى فى ثانية وغداً مظاهرات فى كل شوارع أثينا ..

أدوله فرصة أو أدوله فياجرا إيدك معانا يا أستاذ لو سمحت.

تقول الأسطورة اليونانية أن الزواج فى أثنيا القديمة كان فقط من أجل الإنجاب ...
وحين لا يستطيع الزوج كان عليه الإستعانة بأحد أصدقائه ..

وهو الصاحب له إيه عند صاحبه؟! غير لامؤاخذة ولامؤاخذة ومشروع نهضة.

وأنا أحترم الصديق وأقدره كثيراً ... فما نحتاج من أجل أن يفهمه الناس لسنوات يأتى
هو ليحققه فى لحظات قائلاً:

عليكوا واحد لا فى مشروع ولا يحزنون بل أحياء ع الأرض يلعبون ..

ولو أنت قاعد فى المقصورة مش هاتشوف حاجة ..

ولو وسط العمال والفلاحين برده مش هاتشوف حاجة ..

ولو فى الدرجة التانية احتمال تشوف ناس عاشت وناس ماتت واللى أخته اشتغلت رقاصة
واللى أمه دخلت الجيش ..

تجيش أقولك على حاجة فى سرك ..

عرف الإنسان اليونانى الكتابة منذ آلاف السنين لكنه لم يعرف القراءة بعد.

» مش أنا اللى كلمتها
» كلمات اغنيه محمد سعد "اللى منك منك
» دى البنات اللى عايزه تتجوز
» كلمات اغنية انت ياللى خت قلبى من الزمان ومن اللى فى