باستا لايت..قروب الرشاقة

الطريقة خذتها من وحده فالمنتدى من زمان ودوم اطبقها بس مو متذكرة نكها
والصور من موضوعها بعد..بس غيرت شوي فالمكونات واشياء حذفتها




المكونات:


جبنه لايت ..مقدار خاشوقة
كوب حليب منزوع الدسم او قليل الدسم سائل..(ممكن نستخدم البودرة 3 خواشيق نذوبهم فكوب ماي)
بقدونس..شبت
بصل
لحم مفروم حسب الرغبه
طماطم فرش..معجون طماطم
جزر مبشور
ملح..فلفل اسود بودرة
فلفل رومي
زيت زيتون
باستا اسمر..في باستا اسمر

هالصورة توضح


اللي عليهم دويرة بيضه..هاذي الباستا العاديه
اللي عليهم دويرة حمرا.. هاذي باستا بالطماطم..بدل ماتاكليه كل الكميه من عجين ابيض تاكلين فقط نص الكميه والنص الثاني يكون طماط
اللي عليهم دويرة خضرا.. هاذي باستا بالسبانخ
اللي عليهم دويرة بني هاذي الباستا السمرا تتسوا من دقيق اسمر







طريقة التحضر:

نسلق الباستا مع شويه ملح وزيت زيتون عشان لاتتلصق ببعض ونخليها على جنب

نجهز الباشاميل..نحط الحليب فجدر عالنار ونخلطله خاشوقة طحين (طحين اسمر)
ونضيفله الجبن ونخليه عالنار لين يذوب الجبن ويكثف الباشاميل..ونخليه على جنب


فجدر ثاني نحمي زيت الزيتون ونضيفله البصل لين يصير لونه ذهبي
( اذا بتسوونها بلحم مفروم نضيف اللحم المفروم والملح والبهارات بعد مايصير لون البصل ذهبي)
نضيف باقي الخضار ماعدا الطماطم( اذا بتسوونها بدون لحم مفروم نضيف الملح والبهار بعد مانضيف الخضار)

لما تستوي الخضار نضيف الطماطم (نحط الطماطم الفرش بالخلاط ونضيفلها خاشوقة معجون طماطم)
لما تستوي نضيف الباستا ونخلطهم..عقب نصب الباشاميل عليهم ونخلطهم وخلصنا