كلمات تترالبداية مسلسل عصابة بابا وماما

كلمات تتر البداية لمسلسل عصابة بابا وماما
كلمات الشاعر : حسن عطية - الحان الموسيقار : محمود طلعت
بابا وماما لا
مش عصابة لا
بابا وماما
لا لا لا
مش حرامية

بابا وماما أهم
دول مش نص كم
أحلى أب وأم
دول ميه الميه

دول داخلين خارجين شايلين
جايبين لنا جيل وفيتامين
وم اللعب فضوا الفتارين
م العجلة لحد العربيه

بابا وماما لا
مش عصابة لا
بابا وماما
لا لا لا
مش حرامية


الحوّجه مُرة
ارمولنا مرّه
100 جنيه
أحنا أتخنقنا
أمال سرقنا يعني ليه ؟


أدي أخرت اللي
يمشي ياناس ورا الحريم
أعمل عصابة
وبقيت كمان
أنا الزعيم


مدينا أيدنا
ومضطرين
م هو غيرنا بقى
هابشين ناهبين
في السرقة
واصلين للعالمية

اللي انهارده عنده عيال
وحاله واقف مش شغال
يعمل حلنجي وبهلوان
ان شاء الله يمشي ع الحيطان

أحسن لي
م أشحت م البقال
والمكوجيه و الجران
والجزارين
ولا الخضرية

بابا وماما لا
مش عصابة لا
بابا وماما
لا لا لا
مش حرامية


لما أبقى جنبك
خلي قلبك دا حديد
إياك تكش
ويلا خش في المفيد

عايز تعدي
اوعى تمشي في السليم
فتح وصحصح
اللي يتنح ده الغشيم

انا عايزه مصلحتك يا كبير
انا الكبير
مصاريف عيالنا بجد كتير
من مدرسة
ودروس خصوصية

انا مش ملاحق ع الطلبات
والدنيا هرياني مطبات

ومشنكلاك ومشقلباك
كل الحفر موقعات

خلاص هنط انا م الشباك
اسرق هنا
وانهب هناك
وهبقى مؤذي ابن مفترية

بابا
وماما
لا
مش عصابة
لا
بابا
وماما
لا لا لا
مش حرامية
بابا وماما
أهم
دول مش
نُص كُم
أحلى أب وأُم
دول ميّه المّيه