كلمات اغنية يا ولاد بلدنا يوم الخميس - محمد فوزي

يا ولاد بلدنا يوم الخميس#

يا ولاد بلدنا يوم الخميس هكتب كتابى حبقى عريس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

حكتب كتابى عالحلوه زوبه
وافقت عليا من خطوبه
ابوها قالى ليه السؤال ده انت فى بلدنا زينة الرجال
انا اشتريتك عشان لاقيتك كسيب وعتره وحمش فى بيتك
عشان عايزها حتبقى جوزها الغالى لك يبقى رخيص
اكتب عليها يوم الخميس

الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

حعملها ليلة ولا كل ليلة
دى حتبقى قصة بين كل عيلة
حجيب عوالم ومغنى ليها والزفه تبقى فرجة يوميها
وحروش سكر وريحان معطر زوبه عندى بالدنيا واكتر
حعمل وليمة غالية وقيمة يوميها هرقص كمان واهيص
يوم هنيايا يوم الخميس

الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

يا ولاد بلدنا يوم الخميس هكتب كتابى حبقى عريس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

اتمني تعجبكم