كتبها عمك ابو منكوش

مريت بالشوارع ، شوارع الزرقا العتيقة ، وشوارع الزرقا الجديدة ، وشوارع الزرقا الي بعدها ما عمرت ولا تعمرت . ما فيه أي مشكلة ، عادي جدا ، وأقل من عادي . بدك تسمي الشارع باسمك ،، روح اخلع أي لوحة عليها اي اسم من الاسماء وحط اسمك او اسم ابوك او اسم امك او اسم عمك ، او حتى اسم قطتك او اسم جروك أو اسم صاحبة مرتك او زميلة اختك بالمدرسة ، ولا حدا بقول لك وين رايح ولا من وين جاي ولا شو هاظا اللي بتسويه .

أما اذا بدك تصير قانوني وشغلتك رسمية ميه بالميه ، شوف لك اي واحد من العصابة اللي بالبلدية ، حط لك بجيبته عشر ليرات او مشي له معاملة ناقصة وغير قانونية في دائرة حكومية ثانية ، على مبدأ حك لي تا احك لك وهو منه لحاله بسمي لك احلى شارع باسمك .

شارع جميل اسماعيل ، شارع يوسف خليل ، شارع الحاج فلاح ابو الفلافل ، شارع ضبيعان لجقم ، هاي اسماء الشوارع بالزرقا ، كلها اما باسماء ملاك اراضي او من اقارب لجنة الترقيم والتسمية في البلدية ، او من اقارب الذين تعاقبوا على رئاسة بلدية الزرقاء عبر تاريخها الموبوء .

الشارع ما بكون بعيد عنك ، محل ما انت ساكن بيجي الشارع لعندك ، ما فيه داعي تروح وتطرق مشوار يوم بعد يوم تطل على شارع ابوك ، بتقدر بكل بساطة تسمي الشارع اللي انت ساكن فيه بالأسم اللي بدك اياه وانت تفصل له اللوحة اللي بدك اياها مشان يظل على طول قبال عينك ، وهذا من باب التخفيف على المواطنين وتسهيل امورهم ، يمكن ما يكون عندك سيارة ، او المواصلات تكون صعبة عشان هي