غزل على طريقتي

بحبك حب الشباك .......للبرداية
بحبك حب الأرنبيط.....للكوساية
بحبك حب الشلمونة.....للكولاية
لك بحبك حب الطشت....للكبجاية
يا ريت تكوني شخبرة....وكون انا المحاية
يا ريت تكوني قلم ......وكون انا البراية
يا ريت ما تحطيلي زء....لما كون انا جاية
بحب ضحكتك يلي متل صوت المعزاية
بحبك حب الولد.....ل لهاية
بحبك حب المألمة .....للشنتاية
يا ريت تكوني عوجا .....وكون انا العرباية
يا ريت تكوني طربيزة ....وكون انا كنباية
يا مدلوئة حياتي...وشعبيات عمري....ووربات بئشطة روحي....يا احلى زبدية محلاية
بحبك حب الحمار.... للفصة
بحبك حب الريموت .... للتلفزيون
بحبك حب درفة الباب ...للمندلون
بحبك حب بنت اخي الفصعونة...لسبيس تون
بحبك حب رونادينيو للطابة
بحبك إذا كنتي منيحة .....أو حبابة
بحبك حتى لو كان صوتك .....متل موتور الدبابة

سمعيني شوي لحتى احكيلك ....الاصة
نشالله ما يبلا هالطول ....متل عرء الفصة
لك يا ريت تكون معي هيك .. كمشة بزر واعطيكي نصا

بحبك حب منير الجبان لكلمة صباح الخير
بحبك حب جهاد سعد ... لبرنامج خبرني ياطير
لك بتسدئي ؟؟؟؟؟
بحبك حب جورج بوش .... لتوني بلير

affraid

بحبك حب الآرمة للعامود
بحبك حب الدبور للمعؤوود
بحبك حب السعادين للقرود

بحبك إذا كنتي ... ساكتة أو عم تحاكينا
بحبك حب ابن اختي الفصعون لبوظة كارينا