الكشري مصري

السلام عليكم خواتي عسااااكن بألف خير.

المهم يا خواتي من الملل في المانيا ومب عارفه شو اسوي كل يوم اسوي اكله
يديده. وطبعا ما انزل على المنتدى لأني ما اصور. واليوم صورت الكسري على
الايباد. وكان ودي اصور خطوه خطوه بس تعرفون تعب بالأيباد. فصورت صوره
وحده النهائي. والكل تبخل عليها. حتى عندنا ناس كويتين بالمستشفى تخبلوا
على الكشري.


يلا نبدأ بسم الله..

عاد ودي اعدل الصوره وحط نك نيمي بس ما يستوي فالأيباد
وبليز في حال النقل الرجاء ذكر المصدر






المقادير اللي انا سويتها ويا ألطريقه. ليكون أسهل بالترتيب

1/ ثلاث بصلات مقطعات شرائح جوانح أخلط هم بالطحين
2/ نقلي البصل المقطع شرائح مع الزيت وخاشوقتين سمن الأصيل. علشان الطعم أحلى
(( نحتفظ بزيت القلي ))

3/. نسلق كوب ونص معكرونه مع الملح وحبه ماجي وملعقتين من زيت القلي حق
البصل. من تنضج نشلها ونخيلها في طاسه صوب ومع معلقه زيت قلي البصل

4/ نحمر شعريه كوب بدون زيت

5/ نخلط الشعريه بعد التحمير مع كوب رز مصري .

6/ نفور الرز المصري والشعريه في الماي مع ملعقتين زيت قلي البصل وحبه ماجي وملح

7/ كوب عدس الأسمر منقوع مده نص ساعه فالماء مع معلقه زيت القلي.
8/ بعد ما نقعنا العدس نص ساعه. الحين نفوره في الماي مع أضافه كمون شوي وفلفل اسود

طبعا هني بيكون خلاص سلقنا كل المطلوب.

الحين نحطه في طبق التقديم او جدر.

تقدرون تخلطون كل المكونات مع بعض. او تسونها طبقات. وفوق البصل المقلي.



الحين الطماط الحار الصوص
نخلط في الخلاط
4 طماطات
3 فصوص ثوم
ملعقه خل ابيض
ملعقه شطه او داقوس. انا استخدمت شطه تباسكو
قرن فلفل حار
ملعقه كبيره طماط صلصة
شوي ملح
فنجان ماي
خلطهم كلهم بالخلاط
عقب نحطهم في جدر على النار اول من يبدأ يفور ابند عليه



طريقه الدقة
في الخلاط
4 فصوص ثوم
ملعقه خل
ملح
كمون
فلفل اسود
عصير ليمونتين

وخلطهم عدل


وخلوا الشطه يأنب والدقه يأنب واللي يبا يحط له

او أنكم تخلونه ويا الكشري فوق توزعونه.



وبالعافيه عليكم

تراه وايد سهل لو تشوفون وايد كلام. بالتفصيل كاتبه. اتبعوا كل كلمه وخلاص.


وان شاء الله بنزل لكم بأجر كريم الكراميل بالفرن روعه


أدعو لي بالولد الصالح والله يتمم حملي

حياتي قلب ماماتك نورت دنيتي