ردوا السلام ( رائعة محمد حمزة )

ردوا السلام
قال لك سلام دا ليه
ردوا السلام وماتطلعوش في العالي يا سلام

ردوا السلام و ما تجرحوش إحساسي
وفكروني عملت إيه لو ناسي
وريحوني دا انتو أهلي و ناسي
ولا المرار في شرعكم أحلى لي

ردوا السلام و ماتبعدوش و تعالوا
وما تزعلوش من كلمتين انقالوا
ودا عيش و ملح وعمري تاني دا حالوا
بس الزمان عمرو ما غنى لي

ردوا السلام وكفاية غلبتوني
ردوا السلام و كفاية توهتوني
واللي شافوني تاهوا لما شافوني
قالوا ياعيني ع السهر الليالي

ردوا السلام وتكلموا يا حبابي
ردوا السلام و لا عاجبكوا عذابي
يا هل ترى حتعدوا يوم على بابي
ولا الأوان قال للزمان و أنا مالي

كلمات : محمد حمزة