طريقة عمل المحشي ملفوف بالصور

مساء الخير كيف حالكم يوو عرب

اليوم قررت اني اجرب اسوي محشي الملفوف اول مره اسوويه و الحمد لله ضبط معايه

و نبتدي بالطريقه

اول شي انيب ملفوفه المحشي كبيره و نخوز الجزء القاسي اللي يطون تحت و نقصها من النص
و نحطها بماي حار ربع ساعه يعتمد على حجم الملفوفه





و المكونات

بصل
طماط
كزبره
شبت
بقدونس

صلصل قوطيين




هني نفرم الطماط و البصل فرم ناعم
و السموحه نسيت اصور الباقي


نغسل العيش المصري على حسب الكميه انا جي احطي نص كيسه
و استخدم عيش صنوايت و علبتين صلصل


و حطيت عليه ماجي و فلفل احمر و فلفل اسود مطحون و كاري و ملح و قرفه





و هني بما خلطنا الخلطه ويا العيش المصري




لما نكون مخلصين قص و فرم و طحن تكون الملفوفه جاهزه و نبند عنا و نحطيها بصحن عسب تبرد


و انييب جدر نقص فيه حلقات بطاط عسب لا يلصق الملفوف ف قاعه الجدر






و ناخد ورقه ملفوف و نقصها بالحجم المطلوب و نحطي شوي من العيش



و هني لما خلصت الجدر ما لحقت اصور لن بنتي وصلت من الروضه



و عقب انيب نعناع



و نحطي صحن فوق المحشي عسب لا يتفتح من الماي

و نحطي الصحن فوق الملفوف و نيب ماي حار و نحي فيه علبتين صلصل بعد و ثوم و شويه ملح و عصره ليمونه و النعناع



و نخليه ساعه كامله عالنار نااار خفيفه و نطون مسكرين عليه
و لما تمر الساعه نخوز الصحن و نشووف الملفوف مكتنه الحمد لله ما شرد لا اخترب



و هدااا صحن بنتي و بالهناء و الشفاء




بنااااااااااااات انا تعبت من الموضوع الصراحه ما ابا منكم الا دعوه حلوه
ان شاء الله تعجبكم الطريقه
والله يوففكم